گۆڤارا زانستێن مرۆڤایەتی یا زانكۆیا زاخۆ (Jun 2023)
گوتارا ڕەخنەیا شعرى د نامەیێن ماستەرێ ل دەڤەرا بەهدیناندا دوو نامەیێن شعرى وەک نموونە
Abstract
ڕەخنەیا ئەدەبى ب ڤەکۆلین و پێداچوون و شرۆڤەکرنا دەقێ داهێنانى ڕادبيت ب مەرەما دیارکرنا سیفاتێن دەقێ ئەدەبى و بها و ئێستاتیکا ئەوى دەقى. بۆ ئەڤێ چەندێژى ئالاڤێ د دەستێ ڕەخنەگراندا میتۆدێن ڕەخنەیینە. و هەر میتۆدەکا ڕەخنەیى پێکهاتییە ژ کۆمەکا چەمک و زاراڤ و بنەما و پێرابوونین ڕەخنەیی. گوتارا ڕەخنەیا ڕەخنێ ژ ئەنجامێ ئەڤان میتۆدان و ئاراستەیێن ئەوان پەیدابوویە. ڕەخنەیا ڕەخنێ و ڕەخنەگرێ ئەوێ سەحدکەتە چالاکییا ڕەخنەیی کا ڕخنەگرێ دەقێ ئەدەبى ب چ شێوە سەرەدەریێ ل گەل ئالاڤ و میکانیزمێن میتۆدێ ڕەخنەیی کرینە، گریمانا ئەڤێ ڤەکۆلینێ ئەوە ل هندێ دگەرهیت ئەرێ ڕەخنەگرێن ئەکادیمى ب چ شێوە سەرەدەریى ل گەل چالاکییا ڕەخنەیی کرییە. هۆشمەندییا ڕەخنەیی ب چ شێوە بوویە ئایا ب شێوەیەکێ هویربین میتۆدێن ڕەخنەی بکارهیناینە وەکى لایەنێ: (ئارمانج، ناڤەک و کریارا ڕەخنەیی) د نامەیاندا . ئەڤ ڤەکۆلینە ب ناڤونیشانێ (گوتارا ڕەخنەیا شعرى د نامەیێن ماستەرێ ل دەڤەرا بەهدیناندا دوو نامەیێن شعرى وەک نموونە) مەبەستا ئەوێ دیارکرنا ئاستێ گوتارا ئەکادیمیە د نامەیێن ماستەرێ یێن دەڤەرا بەهدیناندا. د ئەڤێ ڤەکۆلینێدا دیاربوویە، كوهۆشمەندییا ڕەخنەیى د نامەیا میتۆد بکارهیناییدا پتر دهێتە دیتن ژ نامەیا پەنا نەبریە بەر میتودبەندیێ.
Keywords
