گۆڤارا زانستێن مرۆڤایەتی یا زانكۆیا زاخۆ (Jul 2023)
په‌یوه‌ندییا دیسلێكسییا ب شاره‌زاییا فۆنۆڵوجیێڤه لده‌ڤ زارۆكان
Abstract
دیسلێكسییا نه‌خۆشیه‌كا زمانى یه لده‌ڤ هنده‌ك زاڕۆكان هه‌یه و تایبه‌ته ب خواندنێڤه و ب شێوه‌یێن جیاواز مینا ژناڤبرنا ده‌نگ و جه گوهۆڕینا ده‌نگان و كورتكرنا ڕسته‌یان د خواندنێدا ئه‌نجامدده‌ت، دیسلێكسییا و فۆنۆڵۆجییا دوو بابه‌تێن پێكڤه گرێداینه، چونكى وه‌رگرتن و دركاندنا دروست یا ده‌نگێن زمانى دبیته ڕێخوشكه‌ر بۆ ئه‌نجامدانا پڕۆسه‌یا په‌یوه‌ندیكرن و خواندنێ د ژیێ دروست د پڕۆسه‌یا خواندنیدا ب شێوه‌یێ سه‌ركه‌ڤتى و بێ ئاریشه، ئه‌ڤ ڤه‌كۆلینه لژێر ناڤونیشانێ (په‌یوه‌ندییا دیسلێكسییا ب شاره‌زاییا فۆنۆڵوجیێڤه لده‌ڤ زارۆكان) یه د ئه‌ڤێڤه‌كۆلینیدا باس ل نه‌خۆشییا دیسلێكسییا لده‌ڤ زاڕۆكان و په‌یوه‌ندییا ئه‌وێ ب شاره‌زایى ل فۆنۆڵۆجییایێ و خواندنێ هاتییه‌كرن، چونكى د لێڤكرنا ده‌نگان دا شێوه‌یێ نه‌خۆشیێ لده‌ڤ زاڕۆكێ نه‌خۆش خۆیا دبیت، نموونه و داتایێن ڤه‌كۆلیـن زاڕۆكێن ژیێن ئه‌وان ژ (8، 14 ) یێن هه‌ر دوو ڕه‌گه‌زان(نێر، مێ ) ل سه‌نته‌ره‌كێ تایبه‌ت ب نه‌خۆشیێن ئاخڤتنێڤه ل باژێڕێ زاخۆ هاتینه وه‌رگرتن، كو ڤه‌كۆله‌رى تاقیكرنه‌كا حه‌ڤت كارتى لسه‌ر ئه‌وان پڕاكتیك كریه، ب مه‌ره‌ما دیاركرن و لێگه‌ریان ل ئه‌وان زاڕۆكان یێن ئه‌ڤ نه‌خۆشى هه‌یه و لگه‌ل زاڕۆكێن ساخله‌م به‌رزه‌نه، ڤه‌كۆلین لدویڤ ڕِێبازا وه‌سفى و ئامارا (spss) هاتییه ئه‌نجامدان، گرنگی و ئارمانجا ڤه‌كۆلینێ ئه‌وه دیاركرنا ڕاده‌یێ هه‌بوونا نه‌خۆشییا دیسلێكسییا لده‌ڤ زاڕۆكێن دیاركرى لدویڤ ئامارێ، كو لدویڤ تاقیكرنا تائى خۆیا بوو، جوداهیی لده‌ڤ تاكێن سه‌مپلا ڤه‌كولینى د دیسلێكسییایدا نه‌بوون و هه‌ر دوو ڕه‌گه‌ز وه‌كو ئێك بوون و ئه‌ڤه بۆ په‌راوێزكرنا ئه‌وان دهێته كرن و نه‌بوونا شاره‌زایى و پێزانینان لده‌ڤ فێركاران لسه‌ر چه‌وانییا ڕه‌فتاركرنێ لگه‌ل زاڕۆكێن دیسلێكسییایێ و جوداهى د هه‌بوونا تاقیكرنا خواندنا په‌یڤان دا هه‌بوو، كو لده‌ڤ ڕه‌گه‌زێ نێر بلند تربوو.
Keywords
