گۆڤارا زانستێن مرۆڤایەتی یا زانكۆیا زاخۆ (Jun 2014)
هه‌ڵویستێ پارت و ڕه‌وتێن ئیسلاما سیاسى ژ ڕویدانێن ناڤخۆیى ل هه‌رێما كوردستانێ-عێراق 1991- 1992
Abstract
ژڤه‌ڕێژا قه‌یرانا كه‌نداڤى یا دووێ ل سالا 1990 چه‌ندین پێشهات و ڕویدانێن سیاسى ل سه‌ر ئاستێ عێراقێ هاتینه پێش، بۆ كوردستانا عێراقێ ژى وه‌رچه‌رخانه‌یه‌كا نوى بوو ب به‌رپابوونا سه‌رهلدانا ئادارا 1991 وئازادكرنا كوردستانێ، هێدى كێشه‌یا كوردان ل كوردستانا عێراقێ زێده‌تر ڕه‌هه‌نده‌كێ نێڤده‌وله‌تى ب خۆڤه گرت بوو.دڤێ ڤه‌كولینێدا مه هه‌وڵدایه هه‌ڵویستێ ئیسلاما سیاسى ژ وه‌رار و چه‌ند بویه‌رێن جودا جودا یێن ل هه‌رێما كوردستانێ په‌یدابووین به‌رچاڤ بكه‌ین ژ سه‌رهلدانا ئادار 1991، ژ دانوستاندنێن به‌ره‌ێ كوردستانى دگه‌ل ڕژێما عێراقێ ل سالا 1991، هه‌لبژارتنێن ئه‌نجوومه‌نێ نیشتمانیێ كوردستانێ (په‌رله‌مان) و پێكئینانا حكومه‌تا هه‌رێما كوردستانێ ل سالا 1992، كو ب هه‌بوونا ڤان پارت و ڕه‌وتێن ئیسلاما سیاسى ل گوره‌پانا هه‌رێما كوردستانێ جاران ب خۆ به‌شه‌ك بووینه ژ وان ڕویدان و ململانه‌یان ل پێناڤى وه‌رگرتنا ده‌ستهه‌ڵاتێ و گێڕانا ڕۆلێ خۆ یێ سیاسى.
