Nubihar Akademi (Dec 2024)
کـورد د ھزروبیـرێن کـوردناسـێ بەڕێتانی مێجەر سونى(Major Soane) دا
Abstract
کوردناسێن ڕۆژئاڤایى ژ ئەوان یێن بەڕێتانى ڕۆڵەکێ گرنگ ددیارکرنا مێژووییا کوردان و ڕەوشا ئەوان یا سیاسى، ئابوورى و کۆمەڵایەتى و زمانى گێرایە، چونکى ئەو هاتینە دناڤ کورداندا و ڕەوشا ئەوان ب چاڤێن خۆ دیتییە، دیسان ئەوان هەوڵدایە خۆ فێرى زمانێ کوردان بکەن، داکۆ پتر شارەزایێ کاودانێن کوردان بن و ب هویرى ل سەر هەمى لایەنێن گرێدایى ب رەوشا کوردان نڤێسە هزروبیرێن خۆ نڤێساینە، ئێک ژ ئەوان کوردناسێن بەرێتانى یێن گەلەک لسەر کوردان و زمانێ کوردى نڤێسایى مێجەر سۆنە، پێگەهێ ئەوى دناڤ کوردناسان دا زۆر بەرچاڤە، ژبەر هندێ ب فەر هاتیە زانین ڤەکۆلینەکا دیرۆکى لسەر هەوڵێن ئەوى ل دۆر کوردان بهێتە نڤێسین. ئارمانجا سەرەکى یا ڤەکۆلینێ دیارکرنا هزروبیرێن مێجەر سۆنى ل دۆر بارودۆخێن کوردان و زمانێ کوردینە، ژبەرکۆ ئەوى ب شێوەیەکێ بەرفرەھ لسەر ئەڤان بیاڤان کارکرییە. دگەل نڤێسینا خۆ ئەڤ ڤەکۆلینە هەوڵددەت بەرسڤا چەندین مژارێن ب بابەتى ڤەگرێدایى بدەت مینا بۆچوونێن مێجەر سۆنى لسەر ڕەوشا کوردان چاوانن؟ ب چ شێواز ئەوى بەرێخۆدایە کوردان و ڕەوشا ئەوان یا ئابوورى و سیاسى؟ ئارمانجا مێجەر سۆنى ژ بەڵاڤکرنا ڕۆژنامەیا پێشکەڤتن چ بوو؟ بۆچ مێجەر سۆنى خۆ فێرى زمانێ کوردى کرییە؟ چاوا مێجەر سۆنى باسێ ژنێن کورد مینا عادیلە خانم کرییە؟
