Tarjei Vesaas og norsk litteratur i Nazi-Tyskland

Abstract

Samandrag Artikkelen undersøkjer publiseringshistoria til Tarjei Vesaas i Nazi-Tyskland. Det nye materialet den tilfører, er i hovudsak basert på materiale etter Det litterære byrå på Lillehammer, ein aktør som knapt er nemnd i norsk litteratur- og bokhistorie. I det transnasjonale og bokhistoriske perspektivet som dette opnar, får vi eit breiare, meir differensiert og delvis anna bilete av Vesaas og nazismen enn det som har dominert i litteraturvitskapen, og som har vore mest konsentrert om kritisk nærlesing av Bufast-bøkene. Artikkelen drøftar Vesaas’ forhold til Tyskland og nazismen og undersøkjer aktørane som var med i dei tysk-norske litterære forretningane, handlingsrommet deira og korleis dette endra seg med «arisering», einsretting, krig og okkupasjon.

Keywords

• Tarjei Vesaas
• omsetjing
• norsk litteratur på tysk
• nazistisk litteraturpolitikk
• Blut und Boden
• Det litterære byrå