گۆڤارا زانستێن مرۆڤایەتی یا زانكۆیا زاخۆ (Sep 2018)
ساخكرنا بیره‌وه‌ریا جه‌ژنا نه‌ورۆزێ ل كوردستانا عێراقێ و هه‌ڵویستێن حكۆمه‌تا عێراقێ ژێ 1921- 1970
Abstract
نه‌ورۆز ئێك ژ جه‌ژنێن كه‌ڤنارێن ملله‌تێن ژ ڕه‌گه‌زێ ئارى دهێته هه‌ژمارتن، كو كورد ژى ئێك ژ وان ملله‌تانه ئه‌ڤ جه‌ژنه وه‌ك به‌شه‌ك ژ كه‌لتۆرێ وان و ڕه‌هه‌نده‌كێ مێژوویى و نه‌ته‌وه‌یى و ئایینى و جوگرافى هه‌یه، ب سه‌دان سالان دناڤ كوردان دا زیندى مایه، و ب درێژاهیا مێژوویى توشى ئه‌ڤرازى و نشیڤیێن زۆر بوویه، و هه‌ولێن زۆر هاتینه كرن بۆ هندێ ژ كوردان بهیته دابڕاندن و شێواندن گرنگى پێ نه‌هێته دانێ ب به‌هانه‌یێن جورا و جورێن سیاسى و نه‌ته‌وه‌یى و ئایینى. كارڤه‌دانا نه‌ورۆزێ د وێ چه‌ندێ دایه كو ده‌ستپێكا سالا نوى یا كوردانه، و ب دیتنا وان ڕۆژه‌كا نوى یه، وه‌رزه‌كێ نوى یه، وه‌رچه‌رخانه‌یه‌كا مێژوویى به‌رپاكریه، ڕۆژا هه‌مبێزكرنا سه‌ربه‌ستیێ و بوویه چه‌ڤه‌نگێ ئازادیێ دژى سه‌رده‌ستى و زۆرداریێ. سه‌ره‌ڕایى كوسپ و به‌ربه‌ستێن زۆر یێن حكۆمه‌تێن عێراقێ یێن ئێك لدویڤ ئێكێ دروست دكرن بۆ هندێ ڕێگریێ ل ساخكرنا ڤێ جه‌ژنێ بكه‌ن، كوردان ل كوردستانا عێراقێ نه‌مازه د سالێن سیهاندان و پێهه‌ل گیانه‌كێ دى داینه ڤێ جه‌ژنێ چ ب نهێنى یان ئاشكه‌را ساخ دكرن، ده‌رئه‌نجام ژى باجه‌كا مه‌زن ژ شله‌ژانا سیاسى دناڤبه‌را هه‌ردوو لایاندا و ئه‌شكه‌نجه و زیندانكرنا كوردان هاتیه كرن.
Keywords
