گۆڤارا زانستێن مرۆڤایەتی یا زانكۆیا زاخۆ (Dec 2021)
زێده‌بێژى ژ ڕوانگه‌ها پراگماتیكێڤه
Abstract
زێده‌بێژى بابه‌ته‌كێ گرنگه ژ بابه‌تێن پراگماتیكا زمانى و گرنگییه‌كا مه‌زن د بوارێ زمانێ ڕۆژانه و نڤێسیدا هه‌یه. ئه‌ڤ ڤه‌كۆلینه ب ناڤونیشان( زێده‌بێژى ژ ڕوانگه‌ها پراگماتیكێڤه)یه كو جه‌ختێ ل سه‌ر تێگه‌هێ پراگماتیكێ د ئاخڤتنێدا دكه‌ت. ئارمانجا سه‌ره‌كى ژ ئه‌ڤێ ڤه‌كۆلینێ ئه‌وه بهێته زانین، كا چه‌وا زێده‌بێژى د ناڤ بوارێن پراگماتیكێدا ب ده‌ستڤه دهێت، ئه‌وژى د سنوورێ ئاخڤتنا خه‌لكێ سه‌نته‌رێ ده‌ڤۆكا دهۆكێدا كو ل دویڤ ڕێبازا وه‌سفى شیكارى شرۆڤه‌كرنێ بۆ نموونه‌یان دكه‌ت. گرنگترین پرسیارێن ڤه‌كۆلینێ ئه‌ڤه‌نه:( زێده‌بێژییێ چ په‌یوه‌ندى ب پراگماتیكێڤه هه‌یه؟ هه‌روه‌سا زێده‌بێژى دشێت د ناڤ هه‌مى بوارێن پراگماتیكێدا بكاربهێت؟) و ئه‌ڤه‌ژى د ناڤ ئه‌نجامێ ڤه‌كۆلینێدا دیاردبیت كو زێده‌بێژى په‌یوه‌ندی ب پراگماتیكێڤه هه‌یه و د هه‌مى بوارێن ئه‌وێدا ڕه‌نگڤه‌دده‌ت. ڤه‌كۆلین ب گشتى ژ دوو پشكان پێكدهێت. پشكا ئێكێ ب ناڤێ(چه‌مك و ده‌ستنیشانكرنا زێده‌بێژییێ)یه و پشكا دووێ یا تایبه‌ته ب زێده‌بێژییێ د ناڤ ئاستێن واتایێڤه ب تایبه‌تێ د ناڤ بوارێن پراگماتیكێدا.
Keywords
