Styring av norsk og svensk miljø- og naturforvaltning

Abstract

Styring av norsk og svensk miljø- og naturforvaltning - Government eller governance? I nordområda er det ei stor utfordring å bevare mest mulig av Europa si siste villmark som eit intakt økologisk system med berekraftige viltbestandar. Noreg og Sverige forsøker å løyse problema gjennom deira nasjonale miljø- og naturforvaltning. I artikkelen drøfter vi nokre av dei institusjonelle utfordringane som nasjonalstatar står overfor når dei skal prøve å løyse samansette miljøproblem. Den forvaltningsmessige kapasiteten til å handtere miljø- og naturvernproblem er avhengig av korleis forvaltninga er bygd opp og verkar. Vi har vald å sjå på Norrbotten len i Sverige og Nordland fylke i Noreg, og nokre utvalde kommunar innanfor desse områda. Vi antar at kjenneteikn ved forvaltningssystema kan vere viktig for å forklare kvifor handteringa av dette politikkområdet er ulikt i dei to landa. I Sverige har dei eit sterkare vern av naturen enn i Noreg, som er prega av meir bruk. Ved å samanlikne det norske forvaltningssystemet med det svenske som er meir sentralstyrt og hierarkisk, kan vi få svar på om organiseringa av forvaltninga er ein viktig forklaringsfaktor i politikkutforminga. Problemstillinga er korleis dei to ulike landa handterer koordinerings- og integreringsbehovet i nokre utvalde delar av miljø- og naturforvaltninga.

Keywords

• Environmental problems
• government
• governance
• multi-level management