گۆڤارا زانستێن مرۆڤایەتی یا زانكۆیا زاخۆ (Sep 2021)
ڕه‌نگڤه‌دانا سۆزێ د هۆزانێن (به‌درخان سندى) دا
Abstract
ئه‌ڤ ڤه‌كۆلینه هه‌ولدانه‌كه ژبۆ دیاركرنا چه‌وانى ڕادێ به‌رجه‌سته‌بوونا سۆزێ دناڤ ده‌قێن هۆزانێدا. هه‌روه‌كو ئاشكرایه (سۆز) ڕه‌گه‌زه‌كێ سه‌ره‌كییه دناڤ پێكهاتا ده‌قێ ئه‌ده‌بى ب گشتى و ده‌قێ هۆزانێ ب تایبه‌تى دا، ئه‌ڤ (سۆز) ه دبیته هه‌لگرێ واتایه‌كا مه‌زنا ده‌قى. ئه‌ڤ ڤه‌كۆلینه بناڤونیشانێ (ڕه‌نگڤه‌دانا سۆزێ د هۆزانێن (به‌درخان سندى)دا) یه، هاتیه دابه‌شكرن بۆسه‌ر دوو به‌شان. به‌شێ ئێكێ بۆ لایه‌نێ تیۆرییێ ڤه‌كۆلینێ هاتیه ته‌رخانكرن و دناڤدا ئاماژه بۆ په‌یوه‌ندییێ دناڤبه‌را ده‌روونناسى و ئه‌ده‌بیاتێدا هاتیه‌كرن و تێگه‌ه و پێكهاتا سۆزێ هاتیه باسكرن. به‌شێ دووێ بۆ ته‌وه‌رێ پڕاكتیكییێ ڤه‌كۆلینێ هاتیه ته‌رخانكرن و دناڤدا هۆزانێن هۆزانڤانێن ناڤبری ژلایێ دیاركرنا سۆزێ هاتیه شرۆڤه‌كرن. ل دوماهیكێ بۆمه دیاربوو كو (فره‌سۆزى) دناڤ ئه‌ڤان هۆزاناندا هه‌یه و دوو جۆرێن سه‌ره‌كییێن سۆزێ دناڤدا هاتینه به‌رجه‌سته‌كرن دگه‌ل هه‌بوونا هێزه‌كا مه‌زنا سۆزدارى دناڤ هۆزاناندا.
Keywords
