گۆڤارا زانستێن مرۆڤایەتی یا زانكۆیا زاخۆ (Feb 2023)
مەولانازادە رەعەت بەگ١٨٩٦-١٩٣٠ ژیان و رولێ وی یێ سیاسی
Abstract
کارکرن و دویڤچوون ل سەر ژیانا کەسایەتیێن بووینە مال بۆ مێژوویێ، و جهێ شوین پەنجێن خو د لاپەرێن مێژووییدا هێلاین، کارەکێ ژ هەژی ڤەکۆلین و بدویڤرا کەفتنێیە، ب ئاشکراکرن و ئەنجامدانا ڤەکۆلینان لدور ئەڤان کەسایەتییان دێ گەلەک بوویەروو روودانێن ڤەشارتی ب روناهیێ شاد بن، هوسا دێ مفایەکێ باش گەهیتە مێژوویێ و بەرچاڤکرنا ئەوی کەتوارێ ئەو کەسایەتی تێدا ژییایین، دی پەردە ل سەر گەلەک زانیاریین نخافتی رابت، ئەڤ یەکە دێ مە گەهینیتە هندەک زانیاریێن نە بهیستی. ئەڤ ڤەکۆلینە لدور مەولانازادە رەفعەت بەگییە، ئەڤ کەسێ خودان رولەکێ مەزن د بوویەرێن دووماهییا دەولەتا ئوسمانیدا، خەبات و بەرخودانکری ژ پیخەمەت هیڤی و ئارمانجێن بلند بۆ تەڤایا جڤاکێ دەولەتا ئوسمانی، ژ بەرکو ب دەستڤەهاتنا ئارمانجێن ئەوی دا مفا گەهیتە پتریا جڤاکێن وی سەردەمی یێ دەولەتا ناڤهاتیدا. ئەڤ ڤەکۆلینە تەکەزێ ل سەر کەسایەتییەکی دکەت، کو ئەو کەس ل سەردەمەکێ هەستییار د دەولەتا ئوسمانیدا ژییایە، د ئەڤی ماوەیدا دەولەتا ئوسمانی روو ب روویێ ژناڤچوونێ د بوو، هێدی هێدی بەرک ژ بن پیێن سولتانی دهاتە کێشان، هندەک کاراکتەرو خەیالپەرست هاتن و بوونە بالا دەست، شەرەک جیهانی پەیدا بوو، گوهورینێن هەستیارو چارەنڤیساز ل پاش خو هێلان، دەولەتێن نەتەوەیی ل ڤێ دەڤەرێ پەیدا بوون، بەلێ مافێن هندەک مللەتان هاتنە خوارن و ئازادی و هیڤییێن ئەوان ب دەولەتێن سەربەخو هاتنە بن پیکرن.
Keywords
