Rusførebygging i skulen som diskursivt forma pedagogisk-politisk fenomen. Eit teoretisk-empirisk bidrag til omgrepsutvikling

Abstract

Denne teoretisk-empiriske artikkelen har to føremål. For det fyrste vil artikkelen utmynte eit diskursorientert teoretisk rammeverk for å analysere rusførebygging i skulen som eit pedagogisk-politisk fenomen. For det andre prøver artikkelen rammeverket ut i ein empirisk analyse av medietekstar om rusførebygging i skulen. Forskingsspørsmål for artikkelen er: Korleis vert rusførebygging i skulen diskursivt forma i medieoffentlegheita? Diskursar om rusførebygging i skulen vert teoretisk omgrepsgjorde som høvesvis aktivering av bestemte kulturhistoriske grunnbilete av barn og unge og legitimering av ulike førebyggingsteknologiar. Det empiriske materialet utgjer 29 medietekstar frå perioden januar 2020 til november 2023. Desse vert analyserte med blikk på korleis rusførebygging i skulen vert ulikt diskursivt forma etter kva bilete som vert aktivert, og teknologi som vert legitimert. Tre diskursar vert identifiserte gjennom analysen, høvesvis den kontrollerte eleven (dionysisk grunnbilete: barn og unge er fødde ville, førebyggingsteknologi: disiplinering), den inkluderte eleven (apollinsk grunnbilete: barn og unge er naturleg gode, førebyggingsteknologi: etablering av fellesskap for vekst og tilhøyrsle) og den opplyste eleven (athensk grunnbilete: barn og unge er naturleg rasjonelle, førebyggingsteknologi: formidling av balansert informasjon). Analysen gjer synleg korleis rusførebygging i skulen tangerer både pedagogikk og politikk, og artikkelen diskuterer funna i ljos av pedagogiske grunnlagsproblem og politisk makt. English abstract School-Based Drug Prevention as a Discursively Shaped Pedagogical-Political Phenomenon This theoretical-empirical article has two aims. First, to outline a discourse oriented theoretical framework for analyzing school-based drug prevention as a pedagogical-political phenomenon. Second, to try out the framework in an empirical analysis of media texts thematizing drug prevention in schools. The research question for the article is: How is school-based drug prevention discursively shaped in the media public sphere? Discourses on school-based drug prevention are theoretically conceptualized as activating cultural images of children and youths and as legitimizing prevention technologies. The empirical material consists of 29 media texts from the period January 2020 to November 2023, which are analyzed with attention to how drug prevention in schools is discursively shaped. Three discourses are identified: the controlled student (Dionysian image: children and youths are born wild, prevention technology: discipline), the included student (Apollonian image: children and youths are naturally good, prevention technology: establishing communities for growth and belonging), and the enlightened student (Athenian image: children and youths are naturally rational, prevention technology: communicating balanced information). The analysis shows how school-based drug prevention is entangled with pedagogy and politics, and the findings are discussed in light of foundational questions in education and political power.

Keywords

• førebygging
• ungdom og rus
• pedagogiske grunnlagsproblem
• styringsrasjonalitet
• biopolitikk