Mukaddime (Mar 2023)
Eşq di Edebiyata Goranî/Hewramî de: Mînaka Perîşannameya Mela Perîşanê Dînewerî
Abstract
Weke hemû edebiyata cîhanê, yek ji mijarên sereke yên berhemên ku bi zaravayên cuda yên edebiyata Kurdî hatine nivîsandin jî mijara eşq e. Ev têgeh di cureyên cuda yên edebiyata Kurdî de, di çerçove û wateyên cuda de hatiye bikaranîn. Yek ji wan berhemên edebî yên navborî Perîşanname ye ku ji aliyê Mela Perîşan Dinewerî ve di sedsala nehem a hicrî de, bi awayekî helbestkî, hatiye nivîsandin. Di berhema navborî de, ku em dikarin wekî edebiyata dînî yê bihesibînin, şair têgeha eşqê li hember têgeha aqil datîne û van her du têgehan, weke di gelek berhemên dînî/felsefî de, di şeklê munazere yê de berawird dike. Armanca sereke ya vê gotarê analiz û niqaşa giştî ya wate, bikaranîn û nirxandinê Mela Perîşan e li ser du têgehên bingehîn ên tarîxa ramanê yanî eşq û aqilê.
Keywords
