گۆڤارا زانستێن مرۆڤایەتی یا زانكۆیا زاخۆ (Sep 2018)
ئەركێن جهناڤێن ئاماژەیێ د ڕستەیا زمانێ كوردیدا – گۆڤەرا بەهدینی
Abstract
د ڤێ ڤەكۆلینێدا ئەركێن جهناڤێن ئاماژەیێ د ڕستەیا زمانێ كوردیدا – گۆڤەرا بەهدینی بهێنە دیاركرن. مەبەست ژ جهناڤێن ئاماژەیێ، ئەو جهناڤن یێن كو بۆ مەرەما ئاماژەكرنێ ل جهێ ناڤێ كەسان یا تشتان بكاردهێن و ب هاریكارییا ئەندامێن لەشێ مرۆڤی (تل، دەست، بری و ...هتد) د دەمێ پراكتیك كرنێدا مەرەم پتر دهێتە ڕۆنكرن. ئەو ناڤێ كو جهناڤێ ئاماژەیێ نواندنا وی دكەت، یان نێزیكە یانژی دویرە. ڤەكۆلین هەردوو لایەنێن تیۆری و پراكتیكی بخۆڤەدگریت، د لایەنێ تیۆریدا ژبلی زاراڤەیێ جهناڤێن ئاماژەیێ، هندەك ژ وان زاراڤێن ژ لایێ زمانڤان و ڕێزمانڤانانڤە د ڕێزمانا زمانێ كوردیدا بكارهاتین، ئاماژە پێ هاتییە دان. هەر د ڤی لایەنیدا هندەك پێناسە بۆ جهناڤێ ئاماژەیێ هاتییە كرن، پاشی ئەو جهناڤێن كو د گۆڤەرا بەهدینیدا دهێنە بكارئینان، هاتینە دیاركرن. د لایەنێ پراكتیكی یێ ڤەكۆلینێدا ئەو ئەركە هاتینە دیاركرن یێن كو جهناڤێن ئاماژەیێ د ڕستەیێدا دبینن، ئەو ئەركە ئەڤەنە: (بكەر، نیهاد، جێگرێ بكەری، بەركارێ ڕاستەوخۆ، بەركارێ نەڕاستەوخۆ، تەمامكەرێ كارێ بێهێز). ل دوماهییێ دیاربوویە كو جهناڤێن ئەماژەیێ دشێن ئەركێن جودا جودا د ناڤ ڕستەیێدا ببینن.
Keywords
