Nubihar Akademi (Dec 2024)
ژ كه‌شكۆلێن هه‌لبه‌ستێن كرمانجى ل مه‌دره‌سه‌يا قوبه‌هان ( میرگەها بەهدینان )
Abstract
میرگەها بەهدینان ( ئامێدیێ ) كو ئێك ژ ناڤدارترین میرگەهێن كوردی یە یا كو بۆ ماوەیێ نێزیكی 600 سالان حوكمداری كری ، ئێك ژ كارێن گه‌له‌ك گرنگ د بياڤێ خزمه‌تكرنا ژيانا زانستى و ره‌وشه‌نبيرى دا ، ئه‌و ژى پويته‌دان و گرنگيدان بوويه ب زمان و ئه‌ده‌بياتا كوردى ، ئه‌ڤ چه‌نده ژى د به‌ركار و به‌رهه‌مێن ده‌ستنڤيسين و كه‌شكۆلێن زانا و شاگردێن مه‌دره‌سه‌يێن ئايينى دا به‌رچاڤه ، ژ ناڤدارترين مه‌دره‌سه‌يێن د ڤى بوارى دا ل ميرگه‌ها به‌هدينان ، مه‌دره‌سه‌يا قوبه‌هان بوويه ، ئه‌وا كو پتر ژ 400 سالان ( ژ سه‌دێ 16 ز تا 1961 به‌رده‌وام بووى ) شياى خزمه‌ته‌كا گه‌له‌ك مه‌زن پێشكێشى جڤاكێ كوردى و نفشێ نوى بكه‌ت ، د ڤێ ڤه‌كۆلينێ دا رژدى ل سه‌ر وان كه‌شكۆل و ده‌ستنڤيسێن ئه‌ده‌بياتا كوردى كريه ئه‌وێن ژلايێ زانا و فه‌قه‌يان ڤه ل مه‌دره‌سه‌يا قوبه‌هان هاتينه نڤيسين ( نه‌سخ كرن ) ، كو ئه‌ڤه دێ بنه ڤه‌رێژه‌ك بۆ سه‌رراستكرنا به‌رهه‌مێن وان شاعرێن ديوانێن وان هاتينه چاپكرن و بۆ توێژاندنێ بنه چاڤكانيێن گرنگ ، هه‌روه‌سا ئه‌و ناڤێن نوى و شاعرێن نه‌نياس يان كێم نياس ژى ، بنه پێنگاڤه‌ك كو دويڤچوون و لێگه‌ڕيان و ڤه‌كۆلين ل سه‌ر به‌رهه‌مێن وان بێنه كرن .
