Egileen eta arazleen sintaxia jite adjektiboen argitan

Abstract

Lan honetan -garri eta -kor atzizkien bitartez eraikitzen diren jite adjektiboak arakatu ditugu. Adjektibo horiek mendeko aditzak adierazten duen gertaerarekin edo egoerarekin lotutako irakurketa potentziala, ebaluatiboa edo joerazkoa dute, eta, adjektiboaren arabera, balio aktiboa, pasiboa ala jasaileduna izan dezakete. Lan honetan proposatuko dugu jite adjektiboen interpretazioa adjektiboak mendean hartzen duen egitura morfosintaktikoaren ondorioa dela; zehazki, Boz buruaren, aditz txikiaren eta buru horiei lotutako argumentuen araberakoa (Alexiadou, 2018; Oltra-Massuet, 2013). Azterketa honetatik abiatuta, proposatuko dugu egile eta arazle argumentuak gune desberdinetan sartzen direla sintaxian.

Keywords

• jite adjektiboak
• eratorpen morfologia
• argumentu egitura
• egileak
• arazleak