توندوتیژی زارەکی و ڕق دەربڕن پەیوەست بە پرسی ژنان لە نێو تۆڕە کۆمەڵایەتییەکان

Abstract

ئەم توێژینەوەیە هەوڵێکە بۆ ڕوانین لە توندوتیژی زارەکی و ڕق دەربڕین لە نێو تۆڕە کۆمەڵایەتییەکان پەیوەست بە پرسەکانی ژنان لە هەرێمی کوردستان. ئامانجی ئەم توێژینەوەیە تێگەیشتنە لە چۆنیەتی بەکارهێنانی توندوتیژی زارەکی و ڕق دەربڕین لە نێو بەکارهێنەرانی تۆڕە کۆمەڵایەتییەکان بە دیاریکراوی لە تۆڕی کۆمەڵایەتی فەیسبووک لە هەمبەر پرسەکانی پەیوەست بە ژنان. میتۆدۆلۆژیای بەکارهاتوو بۆ ئەم مەبەستە خۆی لە میتۆدلۆژیای تێکەڵاو دەبینێتەوە، بە جێبەجێکردنی میتۆدۆلۆژیای نێتنۆگرافیا و میتۆدی شیکردنەوەی گوتاری ڕەخنەیی، و شیکردنەوەی ناوەرۆک. وەک نموونە بە شێوەیەکی سەرەکی پێنج پۆستی فەیسبووک وەرگیراون و بۆ هەر پۆستێکیش ١٠٠ کۆمێنت بە شێوەیەکی هەرەمەکی وەک نموونە وەرگیراون لە رێگەی وێبسایتی Export comments. گرنگی ئەم توێژینەوەیە لەوەدا خۆی دەبینێتەوە کە ئەم توێژینەوەیە هەوڵێکی زانستییە بۆ تێگەیشتن لە چۆنیەتی بەکارهێنانی زمانی توند و ڕقاوی لە نێو بەکارهێنەرانی تۆڕی کۆمەڵایەتی فەیسبووک لە بەرامبەر پرسەکانی ژنان. لە ئەنجامدا ئەم تێگەیشتنە بەرجەستەبوو کە بەکارهێنانی توندوتیژی زارەکی و قسەی توند و ڕقاوی بە رێژەیەکی زۆر بەرز لە نێو بەکارهێنەرانی تۆڕی کۆمەڵایەتی فەیسبووک لە بەرامبەر پرسەکانی ژنان هەیە، زیاد لەمە، مەعریفەیەکی زانستی پەیوەست بە تێگەیشتن لە سروشتی بەکارهێننای زمانی توند و پیس و قسەی ڕقاوی لە رێگەی بەکارهێنانی تیۆرییە پەیوەندیدارەکان بەرهەم هێرا.