Fontes Linguae Vasconum (Jun 2018)
Erroibarko aldaeraren inguruan
Abstract
Honen bidez bukatutzat emango dugu Louis-Lucien Bonaparte euskalariak Erro izenekotzat jo zuen aldaerari eskaini diogun sei saiotako lana. Aldaera hau printzeak cispamplones azpieuskalkiaren barruan sartu zuen, hegoaldeko goi-nafarrera deitu euskalkiaren baitan, betiere, eta Erroibarko mintzamoldeek zein Esteribarko gehienek elikatzen dute, azken ibar honetako batzuk Bonapartek, sailkapen kontu hauetarako, ibar honetatik bereizi eta Artze deitu zuen aldaeraren baitan kokatu zituenez.
