Lokalt straumbehov, nasjonal kraftpolitikk og kamp for natur og livskvalitet<subtitle>Striden om Sogndals- og Årøyvassdraga i vasskraftutbygginga sin gullalder</subtitle>

Abstract

1950- og 1960-talet var ei tid med store kraftutbyggingsprosjekt i Noreg. Samstundes vaks motførestillingane mot dei omfattande vasskraftutbyggingane. I denne artikkelen følgjer eg utviklinga av eit stort kraftutbyggingsprosjekt i Sogn som ikkje vart realisert. Ei hovudproblemstilling er å syna kvifor prosjektet havarerte. Bakgrunnen for planane var lokalt behov for straum og ei moderat utbygging, men som resultat av den nasjonale kraftpolitikken vart planane kraftig utvida, i eit samarbeid mellom det lokale kraftselskapet A/S Årøy og det statseigde aluminiumsverket Årdal og Sunndal Verk. I artikkelen drøftar eg motsetningar mellom lokale behov og den nasjonale kraftpolitikken. Planane la opp til massive naturinngrep i to låglandsvassdrag og skapte stort lokalt engasjement; sentrale naturvernorganisasjonar var likevel fråverande. I artikkelen dokumenterer eg den lokale motstanden, som var ein viktig grunn til at planane til slutt vart skrinlagde. Saka er eit tidleg døme på konflikt mellom kraftpolitikk og verneinteresser, illustrerer utviklinga av naturvernet på 1960-talet og syner korleis NVE, den statlege etaten som forvalta kraftpolitikken, sleit med å ta inn over seg dei nye haldningane til naturen, som også manifesterte seg i lovverket. Konfliktane utbyggingssaka skapte, har klare parallellar til konfliktar knytt til våre dagars vindkraftutbygging.

Keywords

• kraftutbygging
• naturvern
• kraftpolitikk
• nasjonale og lokale interesser
• Hydropower development
• nature conservation