گۆڤارا زانستێن مرۆڤایەتی یا زانكۆیا زاخۆ (Mar 2019)
پێكهاتا دیسكورسى(Discourse) و هه‌مه‌جوریا لێڤه‌گه‌ران د هنده‌ك تێكستێن ده‌ستنیشانكرى دا
Abstract
تێكست ب هه‌بوونا خو پێكهاته‌یه‌كێ زمانى و دلاه‌لى یێ ب ته‌ڤن و ئالوزه ، ڤه‌كولینێن ره‌خنه‌یى یێن پێشین سه‌ره‌ده‌رى لگه‌ل ناڤه‌روك و ده‌لاله‌تێن وێ لگه‌ل به‌رچاف وه‌رنه‌گرتنا لایه‌نێ روخسارى ئه‌نجام ددان ، به‌لێ دگه‌ل ڤه‌گوهاستنا تیورا بونیادگه‌رى بۆ ناف بیاڤێن ئه‌ده‌بى و ره‌خنه‌یى ئه‌و تیورێن نوى هزره‌كا وه‌سا لده‌ف وان دروست بوو كو دشێن ڤه‌ده‌ر ژ بیاڤێ مێژوویى و جڤاكى و ره‌هه‌ندێن ده‌روروبه‌ر تێكستى شروڤه بكه‌ن ، دڤى بیاڤى دا (هلمسلیف ) ب رێكا تێگه‌هێ هه‌ڤجهى (المحایپه immanence - ) بزاڤ كر كو ڤێ هزرێ به‌رده‌ست كه‌ت و به‌رى بزاڤا وى ژى (پیرس)ى ب رێكا تێگه‌هێ نیشانبوون (semiosis ) ئه‌ڤ بوچوونه دیاركربوو ، لدویف بوچوونا وى ، نیشان دبیته ئاماژه بو نیشانه‌كا دن و نیشانا دووێ دبیته ئاماژه بۆ نیشانا سیێ و لسه‌ر ڤێ ریتمێ ئاماژه‌یێن تێكستێ ئه‌ده‌بى دروست دبن ، به‌لى رێككه‌فتنا وان لگه‌ل ناڤه‌روكا تێكستێن مه‌ره‌مدار به‌رده‌وام دبن ، ئه‌ڤ ڤه‌كولینه بزاڤه‌كه ژبۆ دیاركرنا تێكه‌لبوونا ڤان هه‌ردوو تێگه‌هان لگه‌ل تێكستێن ئه‌ده‌بى و گونجانا وان لگه‌ل ئاڤاكرنا دیسكورسى ناگونجیت، ژبه‌ركو بزاڤێ دكه‌ن ژ به‌شێن تێكستى به‌ره‌ف پێكهاتا وى بچن سه‌ره‌راى بنبركرن و دویركرنا وى ژ وى ژیوارێ تێكست تێدا به‌رهه‌م هاتى ، بڤێ چه‌ندێ ب هه‌بوونا به‌رامبه‌رى هه‌بوونا راسته‌قینه یا هنده‌ك تێكستێن ده‌ستنیشانكرى دهێته دروستكرن ، چونكى – لدویف ڤى تێگه‌هى - هه‌بوون یا دبه‌شاندا هه‌ى ، دڤى بیاڤى دا ڤه‌كولین دێ بیته بزاڤه‌ك بۆ ڤه‌دیتنا په‌یوه‌ندیا دناڤبه‌را دیسكورسى و بیاڤێن لێڤه‌گه‌رێن وێ كو هنده‌ك تێكستێن ده‌ستنیشانكرى بخوڤه دگریت دئه‌نجامدا دێ بیته ئامرازه‌ك بۆ ده‌ستنیشانكرنا مه‌ره‌مێن وه‌رگرى یێ كو دبنیاتدا دبیته بزوێنه‌رێ پروسا تێگه‌هشتنێ زێده‌بارى دیاركرنا چه‌ند ئه‌نجامێن ڤه‌كولینێ .
Keywords
