گۆڤارا زانستێن مرۆڤایەتی یا زانكۆیا زاخۆ (Dec 2021)
بنیاتێ دەستپێك و دوماهی د حیكایەتێن فوڵكلۆریێن كوردیدا
Abstract
هەر ل دەستپێكا ڤەگێرانا سەرهاتیێان، ڤەگێری هەولدایە ب شێوەیەكی ژ شێوەیان شین تبلێن خۆ ل سەر سەرهاتییان بهێلیت، ئانكو مەبەستا مە ئەوە كو ڤەگێری هەولدایە ل بەری گۆتنا سەرهاتیێ و حیكایەتێ ئەو ب خۆ دەستپێكەكێ بۆ مە ڤەگێریت، ئەڤجا ئەڤ دەستپێكە یا كورت یان درێژبیت، وەكو دەروازەیەك بۆ چوونا ناڤ روویدان و بوویەرێن سەرهاتیێ، هەردیسان ل داویا سەرهاتیێ ڤەگێری دیسان هەولدایە بنیاتێ دوماهی بدانیت، ب ڤێ چەندێ رۆلێ وی د ڤەگێران و رێكخستنا بوویەراندا دیاربیت. لەورا د قۆناغێن پێشكەفتیدا ئەڤ چەندە بووینە نەریتەك، كو ڤەگێر د حیكایەتێن خۆ یێن فولكڵۆریدا ب كاربهینیت، دەرئەنجامێ ڤی كاری بنیاتێ دەستپێك و دوماهی پەیدابوویە. د ڤێ ڤەكۆلینێدا ئەڤ پرسیارە دهێنە ئازراندن. ئەرێ ئەو ج شێوازن بۆ دەستپێک و دوماهی یا حیکایەتێن فولکلوریێن کوردی ب کاردهێن؟ ئەرێ هەڤنێزیکبوونەک ل سەرجەم کوردستانێ د ناڤبەرا ڤان شێوازاندا هەیە؟ ب ڤێ چەندێ هەولەك هاتیە دان كو زێدەتر ژ (38) پەرتووكێن ل سەبارەت سەرهاتی و حیكایەت و چیرۆكێن فولكڵۆری تەماشەبكەین، بۆ هەر ئێك ژ بنیاتێ دەستپێك و دوماهی خشتەیەكی دروستبكەین كو تێدا ئاماژە ب شێوازێن هەردوو بنیاتان ل دەڤەر و ناوچەیێن جودایێن كوردستانا مەزن بدەین. ئەڤ ڤەكۆلینە ل ژێر ناڤونیشانێ (بنیاتێ دەستپێك و دوماهی د حیكایەتێن فوڵكلۆریێن كوردیدا)یە،
Keywords