گۆڤارا زانستێن مرۆڤایەتی یا زانكۆیا زاخۆ (Sep 2016)
ڕێژا فەرمانێ د زمانێ توركی یێ ستاندەرددا
Abstract
ڕێژا فه‌رمانێ د ئاخڤتنا ڕۆژانه‌دا زۆر بكاردهێت. د ڤێ ڤه‌كۆلینێدا هه‌وڵ هاتییه دان ژبۆ نیشاندان و به‌رجه‌سته‌كرنا ڕێژا فه‌رمانێ د زمانێ توركیدا، پێخه‌مه‌ت زانینا وێ د زمانێ كوردیدا. پشتى نیشاندانه‌كا تیورى ده‌رباره‌ى ئه‌ڤێ ڕێژێ، ئێكسه‌ر لایه‌نێ پراكتیكى مه بشێوێ خشتان ئه‌نجامدایه. د ڕێزمانا زمانێ توركیدا دوو بۆچوونێن جودا ده‌رباره‌ى ئه‌ڤێ ڕێژێ هه‌نه: بۆ چوونا ئێكێ ئه‌وه كو ژماره‌كا كێم ژ ڕێزمانڤانان دیاركرییه كو ڕێژا فه‌رمانێ لگه‌ل هه‌رسێ كه‌سان (ئێكێ، دووێ، سێیێ) بكاردهێت، د به‌رامبه‌ردا و د بۆچوونا دووێدا، ژماره‌كا ڕێزمانڤانان دیاركرییه كو فه‌رمان ل كه‌سێ ئێكێ ناهێته كرن و بتنێ ل هه‌ردوو كه‌سێن (دووێ و سێیێ) یێن تاك و كۆم دهێته كرن، بۆ ڤێ ڤه‌كۆلینێ، مه بۆچوونا دووێ په‌سه‌ندكرییه.
