گۆڤارا زانستێن مرۆڤایەتی یا زانكۆیا زاخۆ (Sep 2019)
شرۆڤه‌كرنا چیرۆكه شیعرا "به‌رصیصێ عابد" یا "فه‌قیێ ته‌یران" لدویڤ تیۆرا گریماسى (ئه‌ركێ كریارێن كاراكته‌ران و ئه‌ركێ زنجیره‌یى) – خواندنه‌كا ڤه‌گێرانناسى یه-
Abstract
ڤه‌گێرانناسى مینا دیتنه‌كا نوى و بنیاتگه‌رى، هه‌ولا شرۆڤه‌كرنا بنیاتێ ده‌قێ ڤه‌گێرانى ده‌ت. ڤه‌گێرانناسى لدویڤ په‌یدا كرنا ده‌ستور زمانێ چیرۆكێ، ڕێزمانا ڤه‌گێرانێ و ئه‌و سیسته‌مێ زال دناڤ هه‌مه جور ده‌قێن ڤه‌گێرانێ یه. گریماس مینا ئێك ژ تیۆر دانه‌رێن ڤه‌گێرانناسیێ؛ برێیا ساده‌كرنا نموونا سیه و ئێك ئه‌ركى یا پرۆپى بسه‌ر شه‌ش ئه‌ركان كو ئه‌و ب كریار ناڤكرن. ئه‌وى برێیا ڤى تیۆرى، كریار و ڕۆلگێرى یا كاراكته‌ران و ئه‌ركێ زنجیره‌یى یا ڤه‌گێرانێ، هه‌ولا ڤه‌دوزینا یاسا و ڕێزمانا گشتى یا ڤه‌گێرانێ دا. ژ تایبه‌تمه‌ندیێن تیۆرا گریماسى ئه‌وه كو لگه‌ل هه‌مى جورێن ده‌قێن ڤه‌گێرانێ دگونجیت. دڤێ ڤه‌كولینێ دا هه‌ول هاتیه دان نموونێن ئاشكرا ژ چیرۆكه شیعرا "به‌رصیصێ عابد" لدویف تیۆرا گریماسى بهێنه شرۆڤه‌كرن. چیرۆكه شیعرا "به‌رصیصێ عابد" ئێك ژ چیرۆكه شیعرێن درێژ و بناڤ وده‌نگ یا فه‌قیێ ته‌یرانه و ژ وان چیرۆكێن پر ململانێ یه دناڤبه‌را مرۆڤ، حه‌ز و باوه‌ریێ.
Keywords
