Luzaideko hizkuntz bariazioa

Abstract

Egoera soziolinguistiko desberdina bizi izan duten hiru belaunaldi elkarbizi dira Luzaiden. Hiru belaunaldietako hiztunei galdeketa zehatz berbera egin diegu (lexikoa, izen morfologia, aditz morfologia eta sintaxiari so) sexu eta –batez ere– adin parametroaren araberako bariazioa neurtu asmoz. Dialektologia soziolinguistikoaren ikuspuntutik egindako lan honetan, muga politikoak, euskalkiaren galerak eta hiztunen bizimoduak hizkuntzaren forman duen eraginaren berri eman dugu, testuinguru soziokulturalak hizkuntza sistema diferenteak hautatzeko orduan duen eragina erakutsi asmoz. Hiztun batetik bestera sistemek dituzten desberdintasunak gogoan, hizkuntz ezaugarriak aztertzeko soziolinguistikan erabiltzen diren parametroak izan dira kontuan, dialektologia tradizionalean euskalki mugak finkatzeko baliatu izan den geografia kartesiarraz gainera, hizkuntza bariazioan eragina duten faktore sozialen bila. Eranskin moduan, azterketa sistematikoan alde batera utzi ditugun ezaugarri fonologiko batzuk ere aipatu ditugu dokumentatuak gera daitezen, ikergai interesgarri direlakoan.

Keywords

• hizkuntz bariazioa
• soziolinguistika
• corpus linguistikoa
• baxe-nafarrera