گۆڤارا زانستێن مرۆڤایەتی یا زانكۆیا زاخۆ (Mar 2020)
كرده‌یا داخوازییێ د زمانێ كوردیدا ل دویڤ مودێلا(بلوم-كولكا و ئولشتاین)ى
Abstract
داخوازى كرده‌یه‌ك ژ كرده‌یێن ئاخڤتنێ و په‌یوه‌ندى ب پراگماتیكا زمانیڤه هه‌یه و ڕۆله‌كێ كارا و ئه‌كتیڤ د ناڤ بوارێ كرده‌یێن ئاخڤتنێدا هه‌یه. ئه‌ڤ ڤه‌كۆلینه ب ناڤونیشان(كرده‌یا داخوازییێ د زمانێ كوردیدا)یه، كو ل دویڤ مودێلا(بلوم-كولكا و ئولشتاین)ى هاتییه ئه‌نجامدان، كو تێدا هه‌ول هاتییه دان، بهێته دیاركرن، كا خه‌لكێ گۆڤه‌را به‌هدینى ل دویڤ هنده‌ك هه‌لویستێن دیاركرى چه‌وا داخوازییان دكه‌ن و پاشى داتا و ده‌ربڕینێن ئه‌وان هاتینه پۆلینكرن كا سه‌ر ب كیژ ستراتیجیه‌تانڤه و ل دویڤ شێوازێ ئامارى ڕێژه‌یا هه‌ر هه‌لویسته‌كێ كا كیژ ستراتیجى بكارهیاینه هاتینه دیاركرن. ئارمانجا سه‌ره‌كى ژ ئه‌ڤێ ڤه‌كۆلینێ ئه‌وه، بهێته دیاركرن، كا خه‌لكێ گۆڤه‌را به‌هدینى چه‌وا داخوازییان دكه‌ن و كیژ ستراتیجیه‌تان بكاردهینن. ئه‌ڤ ڤه‌كۆلینه ژ بلى پێشه‌كى و ئه‌نجامان ژ دوو پشكان پێكدهێت. پشكا ئێكێ ب ناڤونیشان:( كرده‌یێن ئاخڤتنێ و كرده‌یا داخوازییێ )، كو تێدا ب شێوه‌كێ گشتى به‌حسێ تێگه‌هێ كرده‌یێن ئاخڤتنێ ب گشتى و تێگه‌هێ كرده‌یا داخوازییێ ب تایبه‌تى هاتییه كرن. پشكا دووێ یا تایبه‌ته ب (مه‌رج و ستراتیجییێن داخوازییێ )، كو تێدا باس ل مه‌رج و ستراتیجیێن داخوازییێ و پراكتیكرنا ئه‌وان ل سه‌ر ئاخڤتنا گۆڤه‌را به‌هدینى ل دویڤ هنده‌ك هه‌لویستێن دیاركرى هاتییه كرن.
Keywords
