Kultura (Skopje) (Nov 2014)
Сите страни на театарската меморија – обид за зачувување на театарската претстава
Abstract
Театарот е место на меморија. Театарската претстава е во постојана потреба да остане запаметена поради нејзината краткотрајност и неможноста истата да остане меморирана, конзервирана и/или презервирана на еден, уникатен и специјален начин. Театрологијата овој проблем го надминува користејќи алатки од неколку сродни научни дисциплини, но и создавајќи свои со користење на т.н. театролошки, посредни и непосредни извори. Реконструкцијата на претставата е доминантен метод за анализа на една претстава. Имајќи го сето ова предвид, но и од моето лично искуство, со дигитализацијата на повеќето театарски претстави и работата на првата театролошка дата база на овие простори, сакав да се фокусирам на еден специфичен начин на истражување на проблематиката. Поточно, мојот текст е фокусиран на откривањето на сите страни на театарската меморија, на кој начин секој од нас памети една претстава, но и на кој начин актуелната наука ја памети претставата. За таа цел, студијата/рефератот е конципиран во неколку делови.- Театарската претстава и нејзиното зачувување – преглед на извори и дефинирање на методот на реконструкција- Дигитализирање на претставата, снимање и внесување на податоци – со пренесување на лично искуство од работата на Театролошката дата база на Институтот за театрологија при Факултетот за драмски уметности – Скопје- Личните сеќавања за истата претстава, начин на селекција и презентација- Науката како главен чувар на театарската меморија и адекватната помош од приватната театарска меморија.Секој од елементарните компоненти на овој текст на свој начин ги открива лицата на театарската меморија. Исто како што и реконструкцијата на претставата ја открива самата претстава после еден долг процес на истражување.
