گۆڤارا زانستێن مرۆڤایەتی یا زانكۆیا زاخۆ (Jun 2021)
پێكدادانا واتایی وه‌كو ڕێكه‌ك بۆ كۆتشكاندنێ زمانێ شعرێ وه‌ك نموونه
Abstract
پێكدادانا واتایی ئێك ژ ڕێكێن ب ده‌ستڤه‌هینانا كۆتشكاندنێیه، د زمانێ شعرێدا ل ده‌مێ پێكدادانا واتایی دروستدبیت، ئه‌و په‌یڤ تێدا دبنه خودان واتایێن تایبه‌ت و جوانی و داهێنان تێدا ڕه‌نگڤه‌دده‌ت. ئه‌ڤ ڤه‌كۆلینه ب ناڤونشان (پێكدادانا واتایی وه‌كو ڕێكه‌ك بۆ كۆتشكاندنێ – زمانێ شعرێ وه‌ك نموونه) كو تێدا هه‌ول هاتییه دان پله‌یێن پێكدادانا واتایی ل دویڤ دیتنێن (ئالان كرۆز)ی د زمانێ شعرێدا دیوانا (ده‌مێ چوار گۆشه) یا (سه‌لمان كوڤلى)دا بهێنه دیاركرن و ڕێژه‌یا بكارهینانا ئه‌وان بهێته پولینكرن. ئارمانجا سه‌ره‌كییا ئه‌ڤێ ڤه‌كۆلینێ هه‌ر ئه‌و بوویه كو ڕێژه‌یا سه‌دییا هه‌ر پله‌یه‌كا پێكدادانا واتایی یێن ڤه‌كۆلین ل دویڤ چووی د زمانێ شعرێدا بهێته ده‌ستنیشانكرن. ئه‌ڤ ڤه‌كۆلینه ژ بلى پێشه‌كی و ئه‌نجامان ژ دوو پشكا پێكدهێت. پشكا ئێكێ ب ناڤونیشان (كۆتشكاندن و ڕێكنه‌كه‌ڤتنا واتایی)یه كو تێدا ب گشتى به‌حسێ چه‌مێ كۆتشكاندنێ دكه‌ت. پشكا دووێ یا تایبه‌ته ب پراكتیكرنا پله‌یێن پێكدادانا واتایی د زمانێ شعرێدا.
Keywords
