Fontes Linguae Vasconum (Dec 2020)
Gulibarko aldaeraren inguruan (2 – Txulapaingo azpialdaera: Ergoiena)
Abstract
Louis-Lucien Bonaparte printzeak, euskara sailkatzeko bere ahaleginean, nafar Pirinioko bere talaiatik so eginez nonbait, Iruñez haraindiko multzo handi bati aldaera gisako kategoria iritzi eta subdialecto ultra-pamplonés gisako deitura eman zion, honen barruan Guliako hau, Oltzako eta Zizurko aldaerak kokatuz. Hori guztia, jakina denez, hegoaldeko goi-nafarrera ere deitu zuen euskalkiaren barruan. Saio honen azpitituluan dakusagunez, printzeak Guliako aldaera honen baitan tartekatu eta de Juslapeña izendatu zuen azpialdaera ezagutzeko ekarpena egiten saiatu gara, duela hogeita hamar urte inguru bildu genituen testu batzuk hona ekarriz.
Keywords
