گۆڤارا زانستێن مرۆڤایەتی یا زانكۆیا زاخۆ (Mar 2019)
پێكهاتێن رستێ ل دویڤ رێزمانا ئه‌ركى و بۆزڤڕین
Abstract
رستێن زمانێ كوردی ژى وه‌كى زمانێن دیتر پێدڤیه ل دویڤ تیورێن جودا جودا پتر بهێنه شروڤه‌كرن بۆ هندێ ئه‌م بشین د ناڤ تیورێن شروڤه‌كرنا زمانیدا تیوره‌كا گونجای ده‌ستنیشان بكه‌ین بۆ شروڤه‌كرنا رستێن زمانێ كوردی، له‌ورا هه‌لبژارتنا رێزمانا ئه‌ركى و بۆزڤڕین ب مه‌ره‌ما شروڤه‌كرنا رستا زمانێ كوردى، پێنگاڤه‌كه بۆ هندێ لێكولینێه‌كا جیاواز بیت ل لێكولینێن دیترێن زمانى، كو د بوارێ رستێدا هاتینه ئه‌نجامدان. ریزمانا ئه‌ركى و بۆزڤڕین ئیك ژ تیورێن فورمی _ ئه‌ركییه، كو ژ لایێ هه‌ردوو زمانڤانان (فولى) و (ڤان ڤالین) هاته راگه‌هاندن وه‌ك به‌رسڤه‌ك بۆ رێزمانا به‌رهه‌مهینانێ سه‌باره‌ت لایه‌نێ گشتگیریا زمانان، ئه‌ڤ رێزمانه د چارچوڤێ پێكهاتێن رێزمانیدا سه‌ره‌ده‌ریێ دگه‌ل لایه‌نێ سینتاكسى، سیمانتیكى و پراگماتیكێ دكه‌ت وه‌كى سێ پێكهاتێن جیاواز و د هه‌مان ده‌مدا پێكڤه‌گرێدایی ژى، كو د چارچوڤێ پێكهاتێن سینتاكسی، پێكهاتێن لوژیكى و پێكهاتا زانیاریێن رستێ شروڤه دكه‌ت. ئه‌ڤ لێكولینه زێده‌تر بۆ ده‌ستنیشانكرنا پێكهاتا رستێ هاتیه بكارهینان، واتا ده‌ستنیشانكرنا جهێ پێكهاتێن رستێ دناڤ ریزمانا ئه‌ركی و بۆ زڤریندا، كو ئه‌و رستێن هاتیه دیاركرن زێده‌تر ل زمانێ رۆژانه و ژێده‌ران هاتینه وه‌رگرتن.
Keywords
