گۆڤارا زانستێن مرۆڤایەتی یا زانكۆیا زاخۆ (Dec 2021)
به‌رجه‌سته‌بوونا خه‌یالێ د رۆمانا (ئاترا)دا
Abstract
خه‌یال ئێك ژ ڕه‌گه‌ز و بنه‌مایێن ئه‌ده‌بییه و دناڤ په‌یكه‌رێ هه‌ر به‌رهه‌مه‌كێ ئه‌ده‌بیدا چ هوزان، یان په‌خشان هه‌یه. چ توره‌ڤان نه‌شێن كاره‌كێ ئه‌ده‌بى بێ خه‌یال دروستبكه‌ن، له‌ورا دبیته ئێك ژ بنه‌مایێن ئاڤاكرنا به‌رهه‌مێ ئه‌ده‌بی و پیڤه‌ره‌ك بۆ هه‌لسه‌نگاندنا ئه‌وى. كو هه‌ر كاره‌كێ ئه‌ده‌بى هه‌رچه‌ند یێ بلند بیت، دێ یێ بێ گیان بیت ئه‌گه‌ر یێ ڤالا بیت ژ خه‌یالێ، واته خه‌یال سروشه بۆ هه‌ر به‌رهه‌مه‌كێ ئه‌ده‌بى. خه‌یال ئه‌و رێكه یا نڤێسه‌ر په‌نایێ دبه‌ته به‌ر ژ بۆ ره‌ڤینێ ژ قورسییا كه‌توارى و ب شێوه‌یه‌كێ خۆسه‌رى پێ ده‌ربرینێ ژ هزرێن خۆ دكه‌ت. و ب گیانێ ئه‌ده‌بێ دهێته هژمارتن، ئه‌گه‌ر نڤێسه‌ر ره‌گه‌زێ خه‌یالێ ژ كارێن ئه‌ده‌بى ڤالاكه‌ت ئه‌و كارێ ئه‌ده‌بى دێ بیته وه‌كى لیسته‌كا رویدانێن مێژوویى و كومڤه‌كرنا راستییان. ئه‌ڤ ڤه‌كولینه لژێر ناڤێ (به‌رجه‌سته‌بوونا خه‌یالێ د رۆمانا ئاترا دووماهى ئاده‌مێ ل سه‌ر ئه‌ردى) دایه. كو رۆمانه‌كا تێكه‌له‌یه ژ لایه‌نێ خه‌یالى و ژیوارى، به‌لێ لایه‌نێ خه‌یالى یێ زاله ل سه‌ر و ئه‌ڤ چه‌نده‌یه یا ڤه‌كولینێ بزاڤا ده‌ستنیشانكرنا وێ كرى.
Keywords
