Индексийн аргуудыг хөрсний хүнд элементийн бохирдлын үнэлгээнд хэрэглэсэн үр дүнгээс

Abstract

Өнгөн хөрсний 320 гаруй дээжинд Ni, Co, Mn, Cr, Mn, Cd, Zn, Cu ба Pb зэрэг хүнд элементүүдийн нийт агуулгыг атомын цацаргалтын спектроскопийн нуман атомчлалын аргаар нүүрсэн электродын дундуур үлээлгэн атомчлах аргаар тодорхойлсон. Энгийн статистик аргын тоон үзүүлэлтүүдээр өнгөн хөрсөн дэх хүнд элементүүдийн тархалтын төлөв байдлыг тодорхойлсон. Улаанбаатар хотын нийт газар нутгийн өнгөн хөрсөн дэх хүнд элементүүдийн бохирдлын түвшинг бохирдлын индекс (PI) ба нийт бохирдлын индексийн дундаж үзүүлэлт (IPI), хөрсний хүнд элементийн бохирдлын сөрөг нөлөөллийн үнэлгээг нэг элементийн эрсдлийн фактор (Er) ба олон элементийн эрсдлийн факторын (RI) нийт дунджаар, хүнд элементийн хөрсөнд хуримтлагдах эх үүсвэрийн ялгааг баяжилтын фактор гэсэн үзүүлэлтүүдээр үнэллээ. Улаанбаатар хотын газар нутгийн өнгөн хөрс нь хүний буруутай үйл ажиллагааны улмаас Pb, Zn, Cu бохирдсон байна. Cd, Pb, Cu -ийн хүрээлэн буй орчинд үзүүлэх сөрөг нөлөө нь бусад судлагдсан хүнд элементүүдээс харьцангуй их илэрсэн.

Keywords

• өнгөн хөрс
• хүнд элемент
• бохирдлын индекс
• баяжилтын фактор, сөрөг нөлөөллийн фактор
• хөдлөлзүйн фактор
• Улаанбаатар
• Монгол