گۆڤارا زانستێن مرۆڤایەتی یا زانكۆیا زاخۆ (Nov 2018)
په‌روه‌رده و فیـَركرنا زارۆكى د هزر و هوزانێن هوزانڤانێ كورد ئه‌حمه‌دێ خانى دا
Abstract
مه‌ره‌ما ڤه‌كولینێ دیاركرنا هزرێن په‌روه‌رده‌یى و فێركرنێیه د هزر و هوزانێن ئه‌حمه‌دێ خانیدا، بتایبه‌ت یێن گرێداى ب چه‌وانیا په‌روه‌رده و فێركرنا زارۆكیڤه، بۆ بده‌ستڤه‌ئینانا ئارمانجێن ڤه‌كولینێ ڤه‌كوله‌رى پشتبه‌ستن ب شێوازێ ڤه‌كولین و شروڤه‌كرنێ، بۆ ناڤه‌روكا نوبهارا بچوكان كر یه. پشتى شرۆڤه‌كرنا ناڤه‌روكا نوبهارێ ئه‌نجامێن ڤه‌كۆلینێ دیار كر كو هوزانا فێركرنێ ئامرازه‌كێ په‌روه‌رده‌یى وفێركرنێ یێ گرنگ وسه‌ركه‌فتى یه بۆ په‌یداكرنا چه‌ندین بنه‌مایێن په‌روه‌رده‌یى و فێركرنێ لده‌ف زارۆكى، ژ بنه‌مایێن په‌روه‌رده‌كرنێ یێن ئه‌حمه‌دێ خانى داكوكى لسه‌ر كرین: هاندانا زارۆكى بۆ گوتنا راستیێ و خوه دویرئێخستن ژ دره‌وێ، گوهدانا زارۆكى بۆ سه‌میانێ خوه، خودیرئێخستن ژ خوه مه‌زنكرنێ و خوه‌په‌رستنێ، هه‌روه‌سا ژ كارێن خراب و گونه‌هان. و ژوان هزرو بنه‌مایێن فیـَركرنێ: هاندانا زارۆكى بۆ وه‌رگرتنا زانست و زانینێ، نه‌هێلانا نه‌خوێنده‌واریێ، داكوكیكرن لسه‌ر بیروكا فێركرنا خوبخۆیێ و پشتبه‌ستن ب شیانێت خوه بۆ بده‌ستڤه‌ئینانا زانینێ، چه‌ند مامۆستا یێ دلره‌ق بیت پێدڤى یه فێرخواز گوهدانا وى بكه‌ت. و لژێر سبیه‌را ئه‌نجامێن ڤه‌كولینێ ڤه‌كوله‌رى چه‌ندین پێشنیار و راسپارده دانان ژ وانا: به‌رز نرخاندنا رولێ هوزانا فێركرنێ وه‌ك ئامرازه‌كێ په‌روه‌رده‌یى وفێركرنێ د ئاڤاكرنا كه‌سایه‌تیا زارۆكى دا برێكا چه‌ند شێوازێن باڵكێش دناڤ پروگرامێن خواندنێ دا، پویته‌دان ب كه‌لتورێ ئه‌ده‌بیێ كوردى وه‌ك ژێده‌ره‌كى گرنگ بۆ ده‌رئینانا هزر و بنه‌مایێن په‌روه‌رده‌یى، راسپارده‌كرنا ڤه‌كوله‌را بۆ ڤه‌گه‌ریان بۆ كه‌لتورێ نه‌ته‌وه‌یى وه‌ك ژێده‌ره‌كێ گرنگ بۆ ئه‌نجامدانا ڤه‌كولینێن زانستى بگشتى و بتایبه‌ت دبوارێ په‌روه‌رده وفێركرنێ دا، برێكا شرۆڤه‌كرنا ناڤه‌رۆكا به‌رهه‌مێن وان، هه‌روه‌سا په‌ره‌پێدانا ووتارا ئاراسته‌كرى بۆ زارۆكا ل قۆتابخانا برێكا چالاكێێن قوتابخانێ وه‌كى شانۆ، وسروود، و هونه‌ر.
Keywords
